RITUS INITIALES

In nómine Patris, et Fílii et Spíritus Sancti.
Amen.

Dóminus vobiscum.
Et cum spíritu tuo.

Fratres agnoscamus peccata nostra, ut apti simus ad sacra mystéria celebranda.
Confíteor Deo omnipotenti * et vobis fratres, * quia peccavi nimis * cogitatione, verbo, ópere et omissione: * mea culpa, mea culpa, mea máxima culpa. * Ídeo precor beatam Maríam semper Vírginem, * omnes Ángelos et Sanctos, * et vos, fratres, * orare pro me * ad Dóminum Deum nostrum.

Misereatur nostri omnípotens Deus et, dimissis peccatis nostris, perducat nos ad vitam æternam.
Amen.

Kýrie eléison...

Glória in excelsis Deo * et in terra pax homínibus * bonæ voluntatis. * Laudamus te, * benedícimus te, * adoramus te, * glorificamus te, * grátias ágimus tibi * propter magnam glóriam tuam, * Dómine Deus, * Rex cælestis, * Deus Pater omnípotens, * Dómine Fili unigénite, * Iesu Christe, * Dómine Deus, * Agnus Dei, * Fílius Patris, * qui tollis peccata mundi, * miserere nobis; * qui tollis peccata mundi, * súscipe deprecationem nostram. * Qui sedes ad déxteram Patris, * miserere nobis. * Quoniam tu solus Sanctus, * tu solus Dóminus, * tu solus Altíssimus, * Iesu Christe, * cum Sancto Spíritu, * in glória Dei Patris. * Amen.

Oremus (...)
Amen.

LITURGIA VERBI

Verbum Dómini.
Deo grátias.

LITURGIA EUCHARISTICA

Benedictus es, Dómine, Deus univérsi, quia de tua largitáte accépimus panem, quem tibi offérimus, fructum terræ et óperis mánuum hóminum: ex quo nobis fiet panis vitæ.
Benedictus Deus in sæcula.

Benedictus es, Dómine, Deus univérsi, quia de tua largitáte accépimus vinum, quod tibi offérimus, fructum vitis et óperis mánuum hóminum: ex quo nobis fiet potus spiritális.
Benedictus Deus in sæcula.

In spíritu humilitátis et in ánimo contrito suscipiámur a te, Dómine; et sic fiat sacrificium nostrum in conspéctu tuo hódie, ut pláceat tibi, Dómine Deus.
Lava me, Dómine, ab iniquitáte mea, et a peccáto meo munda me.

Oráte, fratres, ut meum ac vestrum sacrificium acceptábile fiat apud Deum Patrem omnipoténtem.
Suscipiat Dóminus sacrificium de mánibus tuis ad láudem et glóriam nóminis sui, ad utilitátem quoque nostram totiúsque Ecclésiæ suæ sanctæ.

- Dóminus vobiscum.
- Et cum spíritu tuo.
- Sursum corda.
- Habémus ad Dóminum.
- Grátias agámus Dómino Deo nostro.
- Dignum et iustum est.

Sanctus, Sanctus, Sanctus * Dóminus Deus Sábaoth. * Pleni sunt cæli et terra glória tua. * Hosánna in excélsis. * Benedictus qui venit in nómine Dómini. * Hosánna in excélsis.

(...)

Mystérium fidei.

1) Mortem tuam annuntiámus, Dómine, * et tuam resurrectiónem confitémur, * donec vénias.

2) Quotiescúmque manducámus panem hunc * et cálicem bíbimus, * mortem tuam annuntiámus, * Dómine, donec vénias.

3) Salvátor mundi, salva nos, * qui per crucem et resurrectiónem tuam * liberásti nos.

(...)

RITUS COMMUNIONIS

Pater noster, qui es in cælis: sanctificétur nomen tuum;
advéniat regnum tuum; fiat volúntas tua, sicut in cælo, et in terra.
Panem nostrum cotidiánum da nobis hódie;
et dimítte nobis débita nostra,
sicut et nos dimíttimus debitóribus nostris;
et ne nos indúcas in tentatiónem; sed libera nos a malo.

Libera nos, quæsumus, Dómine, ab ómnibus malis, da propítius pacem in diébus nostris, ut, ope misericórdiæ tuæ adiúti, et a peccáto simus semper liberi et ab omni perturbatióne secúri: exspectántes beátam spem et advéntum Salvatóris nostri Iesu Christi.
Quia tuum est regnum, et potéstas, et glória in sæcula.

Dómine Iesu Christe, qui dixísti Apóstolis tuis: Pacem relínquo vobis, pacem meam do vobis: ne respícias peccáta nostra, sed fidem Ecclésiæ tuæ; eámque secúndum voluntátem tuam pacificáre et coadunáre dignéris. Qui vivis et regnas in sæcula sæculórum.
Amen.

- Pax Dómini sit semper vobiscum.
- Et cum spíritu tuo.

Offérte vobis pacem.

Agnus Dei, qui tollis peccáta mundi: miserére nobis.
Agnus Dei, qui tollis peccáta mundi: miserére nobis.
Agnus Dei, qui tollis peccáta mundi: dona nobis pacem.

Ecce Agnus Dei, ecce qui tollit peccáta mundi. Beáti qui ad cenam Agni vocáti sunt.

Dómine, non sum dignus ut intres sub tectum meum: * sed tantum dic verbo et sanábitur ánima mea.

RITUS CONCLUSIONIS

Dóminus vobiscum.
Et cum spíritu tuo.

Benedícat vos omnípotens Deus, Pater, et Fílius, + et Spíritus Sanctus.
Amen.

Ite, missa est.
Deo grátias.